MilT 3837 And hadde hem hanged in the roof above;
MilT 3838 And that he preyed hem, for Goddes love,
MilT 3839 To sitten in the roof, par compaignye.
MilT 3840 The folk gan laughen at his fantasye;
MilT 3841 Into the roof they kiken and they cape,
MilT 3842 And turned al his harm unto a jape.
MilT 3843 For what so that this carpenter answerde,
MilT 3844 It was for noght; no man his reson herde.
MilT 3845 With othes grete he was so sworn adoun
MilT 3846 That he was holde wood in al the toun;
MilT 3847 For every clerk anonright heeld with oother.
MilT 3848 They seyde, "The man is wood, my leeve brother";
MilT 3849 And every wight gan laughen at this stryf.
MilT 3850 Thus swyved was this carpenteris wyf,
MilT 3851 For al his kepyng and his jalousye,
MilT 3852 And Absolon hath kist hir nether ye,
MilT 3853 And Nicholas is scalded in the towte.
MilT 3854 This tale is doon, and God save al the rowte!
Source, "The Miller's Tale": NeCastro, Gerard. eChaucer. U of Maine at Machias, 2011. Web. 17 Oct. 2011.
